Skotíþróttafélagið Skyttur - SKS Rangárvallarsýslu

Gull, silfur og brons á Íslandsmóti í loftskammbyssu (AP60)

magnus — Mon, 01 May 2023 08:35:04 +0000

Gull, silfur og brons á Íslandsmóti í loftskammbyssu (AP60) magnus Mon, 05/01/2023 - 08:35

Dags

29 apríl, 2023

Íslandsmót í loftskammbyssu var haldið í dag í Egilshöll og áttum við 8 keppendur og eigum Íslandsmeistara, gull, silfur og brons eftir þetta mót.

Elín Kristín Erlingsdóttir varð Íslandsmeistari í stúlknaflokki. Óðinn Magnússon landaði silfri í drengjaflokki og Elfar Egill Ívarsson í 3. sæti. Magnús Ragnarsson fékk brons í karlaflokki. Í liðakeppni kvenna fengu Skyttur silfur, í liðakeppni karla náðu skyttur bronsi. Í 0. Flokki karla var Viggó Guðlaugsson í Íslandsmeistari og Emil Kárason 2. sæti. Þess ber að geta að Viggó skaut sig upp í 3. flokk á mótinu með 493 stig. Í 0. Flokki kvenna var Rakel Rún í Íslandsmeistari og Anna Margrét í 2. sæti. Í 2. Flokki karla var Magnús Íslandsmeistari

Í kvennaliðinu frá Skyttum voru Anna Margrét Aðalsteinsdóttir, Elín Kristín Ellertsdóttir og Rakel Rún Karlsdóttir
Í karlaliðinu frá Skyttum voru Emil Kárason, Magnús Ragnarsson og Viggó Guðlaugsson

Miklar framfarir voru hjá iðkendum Skyttna og sumir að keppa á sínu fyrsta móti. Við ósku öllum keppendum til hamingju með frábæran árangur í dag.

Þetta er mesti fjöldi sem hefur farið á mót frá félaginu og í fyrsta skipti sem félagið nær að skipa kvennalið

Tengt Efni

Loftskammbyssa

STÍ

ISSF

Eitt gull og tvö silfur á landsmóti í loftskammbyssu (AP60)

magnus — Sun, 19 Mar 2023 09:19:08 +0000

Eitt gull og tvö silfur á landsmóti í loftskammbyssu (AP60) magnus Sun, 03/19/2023 - 09:19

Dags

18 mars, 2023

Skotíþróttafélagið Skyttur átti sex keppendur á landsmóti í loftskammbyssu sem haldið var í Digranesi laugardaginn 18. mars 2023.

Aldrei hefur skotfélagið Skyttur átt fleiri keppendur á móti. Fjórir keppendur voru á sínu fyrsta móti og keppti félagið jafnframt í fyrsta skipti í liðakeppni.

Elín Kristín Ellertsdóttir fékk silfur í stúlknaflokki og skaut 428 stig. Hún var að keppa á sínu fyrsta móti með glæsilegum árangri. Elín byrjaði að æfa loftbyssu í unglingaflokki í febrúar.

Óðinn Magnússon fékk gull í drengjaflokki og skaut 504 stig og náði þeim árangri að skjóta sig upp fyrir 500 stig í móti. Þetta er gríðarlega góður árangur. Óðinn hefur æft loftskammbyssu síðan haustið 2021.

Í karlaflokki kepptu Emil Kárason (477), Magnús Ragnarsson (528), Einar Þór Jóhannsson (429) og Viggó Guðlaugsson 461 og eru flestir að keppa á sínu fyrsta móti.

A-lið SKS í karlaflokki skipuðu Emil Kárason, Magnús Ragnarsson og Óðinn Magnússon og var samanlagður stigafjöldi 1509 stig sem tryggði liðinu silfur á mótinu en fjögur lið voru skráð í karlaflokki.

Við erum mjög stolt af árangi félagsins á þessu móti og sérstaklega unglingunum sem eiga framtíðina fyrir sér.

Tengt Efni

Loftskammbyssa

Landsmót

STÍ

Nýr loftsalur

magnus — Sat, 14 Jan 2023 18:07:07 +0000

Nýr loftsalur magnus Lau, 01/14/2023 - 18:07

Dags

14 janúar, 2023

Í dag byrjuðum við að flytja inn í nýjan loftsal félagsins á Hvolsvelli og að setja upp loftbrautirnar.

Rangárþing Eystra hefur útvegað okkur frábærum sal fyrir innistarfsemi félagsins og byrjuðum við í dag að koma aðstöðunni upp.
Um er að ræða loftsal með 5 brautum fyrir loftskammbyssur og loftriffla. 4 af 5 brautum notast við rafeindaskotmörk og verður þetta algjör bylting í starfssemi félagsins.

Við munum kynna þetta betur fyrir félagsmönnum þegar nær dregur og verður auglýstur opnunardagur þar sem við munum kynna aðstöðua.

Salurinn mun m.a. verða notaður fyrir æskulýðsstarfið þar sem við munum vera með laser-byssur fyrir krakka á aldrinum 6-14 ára ásamt loftbyssur fyrir unglinga á aldrinum 15-20 ára.

Salurinn er staðsettur undir húsi Krónunnar og bæjarskrifstofu Rangárþings eystra.

Æfinga og keppnisfatnaður félagsins

magnus — Fri, 06 Jan 2023 10:04:44 +0000

Æfinga og keppnisfatnaður félagsins magnus fös, 01/06/2023 - 10:04

Dags

6 janúar, 2023

Núna er æfinga og keppnisfatnaður félagsins fáanlegur en við erum í samstarfi við Jako Sport á Íslandi og er hægt að panta merktan fatnað beint frá þeim.
Erum við mjög ánægð með útlitið á fatnaðinum

Hægt er að panta fatnaðinn hér: Skotfélagið Skyttur Flokkur - JakoSport.is

Einnig bendum við á að hægt er að panta leirdúfuvesti félagsins í verslun okkar á Sportabler.

Opið fyrir skráningar á vorönn 2023 í ungmennastarfinu

magnus — Mon, 02 Jan 2023 14:40:39 +0000

Opið fyrir skráningar á vorönn 2023 í ungmennastarfinu magnus Mon, 01/02/2023 - 14:40

Dags

2 janúar, 2023

Opnað hefur verið fyrir skráningar í vorönn 2023 í ungmennastarfi. Skipt er í þrjá flokka. 6-9 ára, 10-14 ára og 15-20 ára.

Skráning fer fram á https://sportabler.com/shop/skyttur

Við byrjum með æfingar einusinn í viku 16. janúar fram í miðjan maí.

Æfingar munu verða í nýjum skotsal sem staðsettur er undir Krónunni á Hvolsvelli.

Nýárskveðja

magnus — Sun, 01 Jan 2023 11:16:16 +0000

Nýárskveðja magnus Sun, 01/01/2023 - 11:16

Dags

1 janúar, 2023

Gleðilegt nýtt ár!
Við sendum félagsmönnum, iðkendum og öllu skotíþróttafólki hugheilar nýárskveðjur og þökkum fyrir það gamla.

Síðastliðið ár er eitt það viðburðaríkasta í sögu félagsins frá stofnun þess í lok árs 2008 og horfum við björtum augum til ársins 2023 að það verði enn viðburðarríkara.

Á þessu ári hófust loksins framkvæmdir við riffillhús sem hefur lengi verið í burðarliðnum en sökkull hefur verið steyptur fyrir 72 fermetra hús sem mun geta rúmað 10 brautir fyrir riffillvöll sem býður uppá allt að 500 metra skotfæri. Okkar markmið er að klára plötuna á árinu þannig að hægt sé að koma fyrir borðum og liggja á henni fyrir sumarið.

Mikilvægur áfangi náðist á leirdúfuvellinum þegar keyptar voru nýjar Promatic Skeet pro leirdúfuvélar í húsin en þær gömlu voru úr sér gengnar. Þetta var stór fjárfesting fyrir félagið en nauðsynleg til að halda úti skeet velli. Við erum mjög ánægð með þessar leirdúfuvélar og vonum að félagsmenn geti nýtt þær til æfinga og keppni.

Það sem stóð upp úr á árinu var að félagið hóf barna og unglingastarf í skotíþróttum. Starfið hófst í vor með kynningu í sýslunni sem við héldum að Laugalandi í Holtum. Aðsóknin var langt fram úr björtustu vonum. Í framhaldi héldum við haglabyssunámskeið fyrir unglinga í haust og gekk það mjög vel.
Við byrjuðum svo með skipulagðar æfingar fyrir börn á aldrinum 6-20 ára á haustönninni einu sinni í viku til skiptis á Hellu og á Hvolsvelli og komust ekki allir að sem vildu. Við höfum verið með þrjá þjálfara og einn aðstoðaraþjálfara sem hafa komið að starfinu.
Félagið hefur fjárfest í góðum æfingabúnaði, m.a. 6 laserrifflum og eru 4 stk af þeim komin til landsins og erum við byrjuð að nota þá við æfingar. Félagið tók einnig í notkun Sportabler skráningarkerfið á árinu og hefur það reynst okkur mjög vel.

Af keppnisárangri á árinu þá er þetta mikið afreksár hjá félaginu. Tveir keppendur í unglingaflokki kepptu á nokkrum mótum á árinu með góðum árangri. Fyrst ber að nefna Óðinn Magnússon sem keppti í loftskammbyssu og 50m liggjandi riffli. Hann vann nokkur gull og er Íslandsmeistari í báðum greinum í drengjaflokki ásamt því að setja Íslandsmet í 50m liggjandi riffli í drengjaflokki.
Bríet Berndssen keppti í skeet með glæsilegum árangri og hreppti þar gullið.

Í fullorðinsflokki keppti Magnús Ragnarsson í loftskammbyssu, staðlaðri skammbyssu og sport skammbyssu með góðum árangri. Hann vann meðal annars gull á landsmóti í loftskammbyssu.

Á nýju ári erum við svo að fá nýtt æfingahúsnæði fyrir loftgreinar og ungmennastarf. Æfingasalurinn er á Hvolsvelli og erum við virkilega spennt fyrir því. Það mun opna nýjan kafla í sögu félagsins og bjóða upp á meiri breidd í íþróttastarfinu en þó aðallega í barna og unglingastarfi en einnig afreksstarfi í lofgreinum. Við munum auglýsa þetta betur þegar nær dregur.

Við viljum þakka félagsmönnum og öllum þeim sem komu að starfsseminni á einn eða annan hátt á liðnu ári. Þar má helst nefna Sveitarfélögin, Skotfélag Kópavogs, Skotfélag Reykjavíkur, styrktaraðilar sem gerður okkur kleyft að fara í öll þessi verk, iðkenndur og foreldrar iðkenda.

Óðinn með gull og bætti eigið Íslandsmet

magnus — Sat, 03 Dec 2022 20:34:04 +0000

Óðinn með gull og bætti eigið Íslandsmet magnus Lau, 12/03/2022 - 20:34

Dags

3 desember, 2022

Landsmót STÍ í 50 metra liggjandi riffli fór fram í Egilshöllinni í dag. Í drengjaflokki bætti Óðinn Magnússon frá Skyttum eigið Íslandsmet með 566,2 stig og hlaut gullið. Í karlaflokki sigraði Jón Þór Sigurðsson úr SFK með 626,0 stig, Guðmundur Valdimarsson úr SÍ varð annar með 608,9 stig og þriðji Guðmundur Helgi Christensen úr SR með 606,2 stig. Í stúlknaflokki hlaut Karen Rós Valsdóttir úr SÍ gullið með 522,4 stig. Nánar á úrslitasíðu STÍ.

Hægt er að sjá frekari upplýsingar um 50m liggjandi riffill hér

Tengt Efni

50m liggjandi riffill

Landsmót

STÍ

Mótaskrá STÍ í kúlugreinum 2022-2023

magnus — Sun, 09 Oct 2022 12:34:12 +0000

Mótaskrá STÍ í kúlugreinum 2022-2023 magnus Sun, 10/09/2022 - 12:34

Dags

9 október, 2022

Mótaskrá STÍ í kúlugreinum er komin út fyrir 2022-2023.

Hægt er að nálgast hana hér: 2023 – SKOTÍÞRÓTTASAMBAND ÍSLANDS (sti.is)

Fyrstu laserbyssurnar komnar

magnus — Sun, 09 Oct 2022 12:23:05 +0000

Fyrstu laserbyssurnar komnar magnus Sun, 10/09/2022 - 12:23

Dags

9 október, 2022

Fyrstu laserbyssurnar eru komnar til okkar en tvær aðrar eru væntanlegar í nóvember. Þetta eru vönduð tæki af gerðinni Feinwerkbau og notast þau við RedDot laserbúnað frá fyrirtækinu Disag.

Rifflarnir eru með vönduðu dioptersigtum sem er auðvelt að stilla. Stillanlegan keppnisgikk, ásamt stillanlegum kinnpúða og skepti. Þessar byssur eru hannaðar fyrir yngri kynslóðina og engir virkir hlutir eru í henni annað en gikkur og sigti.

Með byssunum fylgir skotmark á þrífæti sem nemur hvar ljósið lendir og svo lítill þráðlaus skjár sem synir hvar skotið hafnaði og telur stigin. Verður gaman að kynna þetta fyrir krökkunum og leyfa þeim að æfa á nýju byssurnar. Við stefnum á að eignast samtals 6 svona laser riffla.

Skotsvæðið lokað fyrir hádegi virka daga

magnus — Sun, 25 Sep 2022 21:35:05 +0000

Skotsvæðið lokað fyrir hádegi virka daga magnus Sun, 09/25/2022 - 21:35

Dags

25 september, 2022

Skotsvæðið er lokað virka daga frá kl. 09:00 - 13:00 vegna æfinga lögreglu. Þetta fyrirkomulag verður út nóvember.