Stjórnarfundur 07.04.2022

Fundagerð stjórnarfundar 07.04.2022

Mættir eru: Jóhann Þórir Jóhannsson, Haraldur Gunnar Helgason, Bjarki Eiríksson

Fundarefni

1. Samningur við Lögreglu Suðurlands. Það liggur fyrir samningur við lögreglu Suðurlands um leigu á skotvellinum til æfingar fyrir Lögregluna. Stjórn fer yfir samning.
   
   1. Stjórn samþykkir samning og felur Jóhanni að skrifa undir hann fyrir hönd félagsins.
2. Styrkir frá sveitarfélögum fyrir ungmennastarf. Fengin hefur verið styrkur frá Rangárþingi Eystra uppá 500þús og reiknað er með samþykki frá Ytra og Ásahreppi 14. April þegar sveitastjórnafundur verður haldin. Lagt er til að Magnús Ragnarsson verði falið að eyða upphæð styrksins í tækjabúnað fyrir ungmennastarfið, eins og lagt var til með tilgang þessa styrks í umsókn.
   
   1. Stjórn samþykkir þessa tillögu. Hefur Magnúsi verið veitt umboð til að eyða styrknum í kaup á búnaði fyrir ugnmennastarf.
3. Staða á leirdúfuvélum.
   
   1. Ómar seljandi Promatic sendi Stjórn bréf í dag og reiknar hann með að afhenda vélarnar eftir helgi. Stjórn mun senda út boð um vinnudag þegar vélarnar eru komnar sem fer í að setja þær upp.
4. Önnur málefni.
   
   1. Vallastjórar: Nokkur áhugi hefur verið eftir þessu en félagið vonast til að finna á milli 10-15 Vallastjóra í ár. Ekki verður heimilt að opna svæðið með nýjum velum án þess að hafa fengið þann titil.
   2. Stjórn ítrekar við mótanefnd að fara að gefa út áætlun fyrir sumarið um leið og vélarnar mæta á svæðið.
   3. Stjórn vill fara að sjá áætlun frá skammbyssu og haglanefnd þar sem ekkert ætti að vera í fyrirstöðu að gefa það út.
   4. Bjarki leggur til að efla til hóp fjáröflunar fyrir riffilhúsið. Stjórn tekur vel í þetta. Bjarki ætlar að kynna þetta frekar á næsta fundi.
   5. Stjórn leggur til að fá flutning með flutningsfyrirtæki þar sem um er að ræða dýran búnað sem væri ótryggður annars.

Fundi slitið.