Sjö keppendur kepptu fyrir Skyttur á Íslandsmóti í loftskammbyssu í dag.
Rúnar Helgi Sigmarsson lenti í 2. sæti eftir æsispennandi úrslit í karlaflokki og Guðbjörg Viðja Antonsdóttir hafnaði í 3. sæti í kvennaflokki. Keppt var í úrslitum í karla og kvennaflokki og erum við afar stolt af því að vera með verðlaunasæti bæði hjá körlum og konum.
Skyttur voru með tvö lið, annarsvegar A lið í karlaflokki og A lið í kvennaflokki. Fengu bæði liðin silfur.
Á Íslandsmóti er einnig keppt í flokkum en fengum við nokkur gull og silfur þar.

Í gær komu til okkar þjalfarar frá Norska skotsambandinu að fylgjast með æfingu hjá okkur, en þau eru í heimsókn hér á landi í gegnum @skotkop að kynna sér starfið hér á landi.

Gátu þau gefið okkur mörg góð ráð og skrifuðu einnig niður hluti sem þeim fannst áhugaverðir. Við vorum með æfingar bæði í laser byssum og svo loftbyssum.

Byrjendanámskeið fyrir unglinga í haglagreinum. Ætlað 15-21 ára. Þeir sem verða 15 ára á árinu geta skráð sig.
Námskeiðið er fyrir byrjendur og verður bæði bóklegt og verklegt. Það samanstendur af fræðslu í formi fyrirlestra um helstu íþróttir eins og skeet og sporting, fræðsla um búnaðinn og svo verklegar æfingar sem bæði felast í þurræfingum og svo að skjóta á leirdúfur undir leiðsögn.
Námskeiðið er 4 skipti, á þriðjudögum og fimmtudögum og byrjar kl. 18:30 til 20:00 á skotíþróttasvæðinu Geitasandi.

Félagið fór í það að kaupa 6 notaðar loftbrautir fyrir loftsalinn. Til stendur að stækka hjá okkur og fara næstu vikur í að undirbúa það. Brautirnar eru af sömu gerð og fyrir voru en þó með led lýsingu og litaskjám. Þær eru einnig búnar liftum sem þýðir að hægt verður að stilla hæðina á þeim fyrir liggjandi loftriffill og loftriffill í hnéstöðu.

Félagsmóti lokið í loftskammbyssu.
Mótið var mjög spennandi. 8 mættu til mótsins að þessu sinni.
Úrslit mótisins er hægt að skoða hér fyrir neðan.
Hástökkvari mótsins er Rúnar Helgi Sigmarsson og nýliðar mótsins eru Stefán Smári Ásmundarson og Benedikt Bjarni Níelsson sem báðir voru að keppa á sínu fyrsta móti í loftskammbyssu með glæsilegan árangur.

Úrsliti í innanfélagsmótinu í loftskammbyssu liggja fyrir. 8 keppendur mættu til leiks. Jón Ægir Sigmarsson átti hástökkið en hann setti sitt persónulega mótamet og hæsta stigafjölda sem skotin hefur verið á móti hjá okkur, 549 stig! Einnig tóku tveir nýliðar þátt mótinu, Guðbjörg Viðja og Elías Arnþór Sigurðsson.

Mótið var haldið frá 18. -21. mars og var einn riðill hvert kvöld. Þetta var skemmtileg nýbreytni að taka mót á þennan hátt.

Haldið var keppni í loftskammbyssu sem við kölluðum Áramótið 2025 og mættu 5 keppendur til leiks. Varð mótið haldið 29. des til að innsigla árið.

Var þetta líka fyrsta mótið á nýjum Megalink brautum sem við fjárfestum í á árinu.

Eftir mjög spennandi keppni varð Jón Ægir Sigmarsson í 3. sæti, Magnús Ragnarsson í 2. sæti og Rúnar Helgi Sigmarsson í 1. sæti.

Einnig kepptu Vignir Sigurjónsson og Sigmar Valur Gylfason á mótinu

Rakel Rún Karlsdóttir, þjálfari lauk á árinu við að taka 1. stigs þjálfararéttindi hjá ÍSÍ og D þjálfararéttindi í riffilgreinum hjá alþjóða skotsambandinu.

Rakel hefur þjálfar hjá okkur síðan í haust og okkar aðal þjálfari í unglinga og barnastarfinu. Hún hefur sérhæft sig í riffillgreinum og þjálfar krakka á laserbyssur og unglinga í loftriffli.

Rakel hefur sjálf stundað og keppt fyrir félagið í loftskammbyssu.

Við ósku Rakeli til hamingju með áfangan og erum stolt af okkar þjálfurum.

Skotíþróttafélagið Skyttyr skirfaði undir þjónustusamning við Rangárþing ytra í vikunni.

Með þessum samning getur félagið eflt íþróttastarf barna og unglinga enn frekar og er það fyrst og fremst tilgangur þessa samnings.

Stuðningur sveitarfélaga er mikilvægur til að styðja við starfið og er það mikilvægt til að styðja við forvarnir og fjölbreytt íþróttastarf fyrir íbúa sveitarfélagana.

Skyttur stefna áfram á uppbyggingu á starfi sínu og stefna á að efla það enn frekar og mun þetta styðja það. RY leggur þar með mikið af mörkum til að aðstoða okkur við það.

Síðast liðinn þriðjudag undirritaði formaður Skotíþróttafélagsins Skyttur undir samstarfssamning við Rangárþing eystra til þriggja ára.

Samningurinn felur í sér að styðja við áframhaldandi uppbyggingu á barna- og unglingastarfi í skotíþróttum. Rangárþing eystra er heilsueflandi samfélag og er þetta liður í að efla framboð og uppbyggingu á íþróttum í samfélaginu.

VIð erum gríðarlega spennt að halda áfram uppbyggingu á starfinu okkar.