Opnað hefur verið fyrir skráningar í vorönn 2023 í ungmennastarfi. Skipt er í þrjá flokka. 6-9 ára, 10-14 ára og 15-20 ára.

Skráning fer fram á https://sportabler.com/shop/skyttur

Við byrjum með æfingar einusinn í viku 16. janúar fram í miðjan maí.

Æfingar munu verða í nýjum skotsal sem staðsettur er undir Krónunni á Hvolsvelli.

Gleðilegt nýtt ár!
Við sendum félagsmönnum, iðkendum og öllu skotíþróttafólki hugheilar nýárskveðjur og þökkum fyrir það gamla.

Síðastliðið ár er eitt það viðburðaríkasta í sögu félagsins frá stofnun þess í lok árs 2008 og horfum við björtum augum til ársins 2023 að það verði enn viðburðarríkara.

Landsmót STÍ í 50 metra liggjandi riffli fór fram í Egilshöllinni í dag. Í drengjaflokki bætti Óðinn Magnússon frá Skyttum eigið Íslandsmet með 566,2 stig og hlaut gullið. Í karlaflokki sigraði Jón Þór Sigurðsson úr SFK með 626,0 stig, Guðmundur Valdimarsson úr SÍ varð annar með 608,9 stig og þriðji Guðmundur Helgi Christensen úr SR með 606,2 stig. Í stúlknaflokki hlaut Karen Rós Valsdóttir úr SÍ gullið með 522,4 stig.  Nánar á úrslitasíðu STÍ.

Mótaskrá STÍ í kúlugreinum er komin út fyrir 2022-2023.

Hægt er að nálgast hana hér: 2023 – SKOTÍÞRÓTTASAMBAND ÍSLANDS (sti.is)

Fyrstu laserbyssurnar eru komnar til okkar en tvær aðrar eru væntanlegar í nóvember. Þetta eru vönduð tæki af gerðinni Feinwerkbau og notast þau við RedDot laserbúnað frá fyrirtækinu Disag.

Rifflarnir eru með vönduðu dioptersigtum sem er auðvelt að stilla. Stillanlegan keppnisgikk, ásamt stillanlegum kinnpúða og skepti. Þessar byssur eru hannaðar fyrir yngri kynslóðina og engir virkir hlutir eru í henni annað en gikkur og sigti.

Skotsvæðið er lokað virka daga frá kl. 09:00 - 13:00 vegna æfinga lögreglu. Þetta fyrirkomulag verður út nóvember.

Við viljum minna félagsmenn á þjálfaramenntun ÍSÍ, sérstaklega þá sem hafa áhuga á því að koma að þjálfun hjá okkur.

Við erum byrjuð að reka öflugt Ungmennastarf í skotíþróttum og eitt af okkar leiðarljósi í því starfi er að allir þjálfarar séu með þjálfaramenntun frá ÍSÍ ásamt þjálfaramenntun sérsambandsins okkar, Skotíþróttasamband Ísland (STÍ).

Skráning hófs í ungmennastarfið fyrir helgi og hefur skráning farið framúr björtustu vonum í ungliðahópnum (6-14 ára). Þar er orðið fullt en ennþá er laust í unglingaflokki (15-20 ára). Við munum þó ekki byrja allveg strax í unglingaflokki þar sem aðstaðan er ekki tilbúin en við eigum von flottri loftaðstöðu mjög bráðlega.

Við byrjum æfingar með ungliða mánudaginn 5. september kl 17:00 í íþróttahúsinu á Hvolsvelli og verður svo til skiptist á Hvolsvelli og Hellu með æfingar á þessum tíma.

Bríet Berndsen keppti fyrir hönd félagsins á landsmóti í skeet um helgina á Akranesi. Bríet keppti í unglingaflokki á sínu fyrsta móti og stóð sig mjög vel. Vann hún gull í unglingaflokki stúlkna.

Bríet byrjaði að æfa skeet hjá félaginu fyrir skemmstu og er mjög efnileg í þeirri grein og á hún framtíðina fyrir sér í greininni.

Félagið eignaðist nýja æfinga loftskammbyssu af gerðinni Hammerli AP-20 fyrir skemmstu.

Byssan hentar sérstaklega vel yngstu iðkendunum, eða frá 15 ára aldri þar sem þetta er loftbyssa. 
Byssan er með stillanlegu skepti í stærðum frá S til L og er hægt að breyta því þannig að það henti fyrir vinstri eða hægri hendi.
Loftkúturinn er nettur og er hægt að láta hann snúa lóðrétt eða lágrétt. Með því að hafa hann lóðrétt er léttara að halda byssunni fyir yngri iðkendur.