Fréttir

Skotmörk - stál og battar

Áminning vegna skotmarka.

Á silhouettubraut félagsins voru settir upp sighterar til að skjóta á með .22LR en því miður hafa gestir á skotæfingasvæðinu skotið á það með miðkveiktum rifflum og skemmt sighterana þrátt fyrir að það hafi verið sendir út póstar og merkt að brautin sé aðeins fyrir cal .22LR standard. Þessi stálskotmörk eru ekki gerð fyrir neitt annað og nú er svo komið að þessi skotmörk eru meira og minna ónýt.

Grunnur tekinn fyrir riffillhúsi

Laugardaginn 22. maí 2021 var grunnur tekinn fyrir nýju riffillhúsi á skotæfingasvæðinu.

Er þetta stórt skref hjá félaginu til þess að bæta aðstöðu félagsmanna. Mætti nokkur fljöldi til að aðstoða og jafnframt taka til og vinna á svæðinu.

Verða skotborð og hreindýraprófspallur virkur en búast við má raski á starfssemi vallar í sumar að einhverju leyti vegna framkvæmdanna

Munum við flytja fréttir af gangi mála jafnóðum.

Skipt um kóða, viðhald leirdúfuvallar og nýtt riffillhús.

Sæl verið þið

Í dag, 1. maí verður aðgangskóða að svæðinu og félagshúsi skipt út fyrir nýjann kóða. Allir sem hafa greitt árgjöldin hafa fengið hann sendan í tölvupósti.

Enn er unnið að viðhaldi á leirdúfuvélum en við munum uppfæra stöðuna um leið og þær verða komnar í gangið.

Verið er að klára vinnu við byggingaleyfi á nýju riffillhúsi á skotsvæðinu og verður það kynnt betur á næstu dögum.

Stjórnin

Haglavöllur lokaður vegna viðhalds

Vegna viðhalds á leirdúfúkösturum kom bilun í ljós. Verið er að panta varahluti í kastvélina og verður gert við hana um leið og hlutirnir berast. Biðjumst við velvirðingar á þessu og vonum að þetta verði komið í lag sem allra fyrst

Skipt um aðgangskóða 1. maí

Skipt verður um aðgangskóða á hlið og félagshúsi 1. maí næstkomandi.

Félagsmenn sem greitt hafa árgjöld munu fá nýjann aðgangskóða sendann í tölvupósti fyrir þann tíma.
Hafi meðlimir ekki fengið fréttapósta frá félaginu nýlega er möguleiki að það eigi efitr að uppfæra netföng í félagatali. Þeir sem ekki hafa fengið póst mega hafa samband og koma nýju netfangi á okkur.

Mótanefnd tekin til starfa

Ný fastanefnd var skipuð á síðasta aðalfundi sem er mótanefnd.

Ákveðið var að stjórn  mótanefndar yrði formaður hennar sem yrði kosinn á fundi, og svo formenn riffilnefndar, haglanefndar og skammbyssunefndar. Einnig yrði þar formaður bogfiminefndar þegar sú deild tæki til starfa.

Ný verðskrá

Nýtt árgjald var samþykkt á síðasta aðalfundi og verður það sent út á næsta ári en árgjöldin í ár eru þau sömu.

Einnig var verðskrá á leirdúfuvelli hækkuð en hún hefur verið óbreytt frá stofnun félagsins.

https://skyttur.is/verdskra

 

Svæðið opið

Skotsvæðið er opið til æfinga. 

Hvatt er til að allir virði persónulegar sóttvarnir og þær reglur sem eru í gildi hverju sinni.

Lokað vegna COVID-19

Ákveðið hefur verið að fara að tilmælum sóttvarnarlæknis og loka skotsvæðinu. 

Skotsvæðið er lokað til og með 17. nóvember næstkomandi vegna samkomutakmarkana frá 31. oktober.

Íþróttir barna og fullorðinna, innan- eða utandyra og með eða án snertingar, eru óheimilar. Þetta á bæði við um æfingar og keppnir.

Við munum birta næstu opnun hérna um leið og ástandið lagast

 

 

Af gefnu tilefni - Silhouettubraut

Af gefnu tilefni skal áréttað að einungis má nota .22LR byssur og skotfæri á Silhouettubrautinni.

Stálmörkin þola ekki öflugri skot og skemmast við það. Séu notið High Velocity skot eða miðkveikt riffilskot þá skemma þau skotmörkin.

Þetta hefur verið merkt á borðið sem er á brautinni og sett inn á facebook.

Stál sighterar sem eru á brautinn eru skemmdir eftir að búið er að skjóta á þá með miðkveiktu hylki.

Því er þetta áréttað þar sem þessi stálskotmörk kosta nokkuð og það er dýrt að þurfa að skipta þeim út.

Síður