Núna er búið að senda út félagsgjöld fyrir árið 2018. Þau eiga að birtast í netbanka og einnig berast með pósti. 

Ef krafa berst ekki getið þið haft samband við félagið. Einnig ef þið viljið fá kröfu þá getið þið skráð ykkur í félagið hér á síðunni undir Fróðleikur.

Árgjaldið er 10.000 kr.

Nýtt skilti hefur verið sett upp við afleggjarann niður að æfingasvæðinu okkar. Núna ætti ekki að vera erfitt að finna svæðið, en við höfum fundið fyrir því að fólk hefur stundum átt erfitt með að finna afleggjarann, enda hefur hann ekki verið merktur og lítt áberandi.

Sveitarstjórn Rangárþings-Eystra styrkti Skotíþróttafélagið Skyttur um þetta skilti og færum við þeim bestu þakkir.

Skiltið var framleitt af Fagform og sá Vegagerðin um uppsetingu á skiltinu.

Skotíþróttafélagið Skyttur hefur bætt við sig bogfimi sem einni af greinum sem stundaðar eru hjá félaginu. Núna er félagið orðið aðili að Bogfiminefnd ÍSÍ og þar með viðurkennt bogfimifélag.

Í haust var haldið námskeið í samvinnu við Indriða Ragnar Grétarsson, bogfimiþjálfara, og tókst það vel til. Í framtíðinni má því búast við eflingu á þessar grein innan félagsins. 

Búið er að setja upp vefmyndavél á skotæfingasvæðinu sem uppfærir stillimynd á mínútu fresti. Myndin sést á hægri valmynd og hægt er að smella á hana til að sjá hana í fullum gæðum. Þannig er hægt að sjá aðstæður á skotsvæðinu og vonandi kemur fljótlega eitthvað inn á myndina sem getur sýnt betur hvernig vind er háttað eins og fánastöng eða vindpoki. Ekki verður sett upp streymi að svo stöddu en það er þó möguleiki á því í framtíðinni.

Skotíþróttafélagið Skyttur er komið með getraunanúmer hjá getspá.

Númerið okkar 795

Því hvetjum við þá sem eru að tippa að skrá okkur sem sitt lið á 1x2.is eða lotto.is

Velheppnað bogfiminámskeið var haldið helgina 16.-17. september þar sem Indriði Ragnar Grétarsson kenndi. 12 manns skráðu sig á námskeiðið og var mikil ánægja með það í alla staði. Var námskeiðið haldið í íþróttahúsinu á Hellu.

Er þetta liður í að koma á fót og byggja upp starf í þessar grein í héraðinu en bogfimi hefur ekki verið stunduð á svæðinu hingað til.

Búið er að bæta 50 metra battana á riffilvellinum og eru núna þrír battar með bakstoppi og vindflöggum. Býður þetta uppá góða aðstöðu fyrir 50m liggjandi riffill og 50BR greinar ásamt fleirru. Næstkomandi þriðjudag verður innanfélagsmót í 50BR þar sem þrír geta keppt í riðli. 

Nýtt Íslandsmet var slegið í dag í 300 metra liggjandi á Landsmóti sem var haldið í dag á Skotsvæðinu á Geitasandi.
7 keppendur mættu til leiks og var keppt í tveimur riðlum.

Arnfinnur Jónsson var í fyrsta sæti og setti jafnframt nýtt Íslandsmet með 579 stig.

Guðmundur Óskarsson var í öðru sæti með 546 stig
Theodór Kjartansson var í þriðja sæti með 541 stig

A sveit Skotfélags Kópavogs var í fyrsta sæti í sveitakeppni með 1591 stig
A sveit Skotdeildar Keflavíkur var í öðru sæti í sveitakeppni með 1518 stig